حب الشباب - Nadara Clinic

حب الشباب

كل مشكلة و لها حل
19 مارس، 2020
هتبقي سكر محلي
19 مارس، 2020
Show all

حب الشباب

حب الشباب

حب الشباب .. حوليه سؤالين مهمين .. هل نعالجه ؟ .. و إزاى نمنعه ؟

🤔

حب الشباب .. اسمه الصح الحب الشائع .. لإنه مش بيجي للشباب بس .. و لكنه بيبدأ لمعظم الناس فى فترة المراهقة و بيكمل معاهم ممكن لأوائل الثلاثينيات نتيجة للتغير الهرموني .

اللى بيحصل هو زيادة فى إفراز الغدد الدهنية الموجودة فى جلدنا و اللى متمركزة فى الوش، الصدر، الكتفين، و الظهر .. و لو زاد قوى بتتسد و تعمل رؤوس بيضا و سودا .. فبتلتهب و تعمل حباية حمرا أو فيها صديد .. و ممكن كمان حجمها يكبر قوى و ساعات بتبقى تحت الجلد .

طيب هي ظهرت لي ليه ؟

أولا : فيه عوامل وراثية .. تلاقى الأب أو الأم أو الأخوة حد فيهم عنده أو كان عنده حبوب .. و ممكن يكون عندهم آثاره .

ثانياً : عوامل شخصية مع التغير الهرموني ( قبل الدورة الشهرية فى الإناث ) .. و مع التوتر زى عند الامتحانات كمثال .

ثالثاً : عوامل خارجية زي استخدام كريمات أو مستحضرات تجميل معينة .. أدوية أو أطعمة
الأدوية و من أشهرها الكورتيزون بلاش أرجوكم كورتيزون ( زي بيتاديرم على الوش ) .

الأكل : و ده مش مع كل الناس .. بس فيه مننا اللى بيلاحظ أنه مع آكل الشيكولاتة أو اللبن أو المكسرات أو المياه الغازية .. الحكاية بتزيد معاه .

نعالجها و لا نسيبها تروح و خلاص !! 😔

٣ أسباب يخلونى أعالجها 😯

١- شكلها وحش و مضايقنى .
٢- بتسيب لون غامق و كمان بتسيب حفر أو ندبات .
٣- الحبوب دى معاها خلل هرموني، أو التهاب آخر فى الجسم أو حبوب فى الشعر .

طيب العلاج إيه ؟؟ 🤔

علاج حب الشباب بيتحدد حسب الحالة والعلاجات بتتضمن ادوية موضعية، ادوية للعناية بالأفراز الدهنى للبشرة، واقى الشمس المناسب، والمرطب المناسب للبشرة،

فى الحالات الاشد بيكون فى اقراص مختلفة بنختار المناسب منها حسب طبيعة الحالة

علاج آثار الحبوب واللى بيكون علاج للبقع الناتجة عنها ليه خطة علاجية حسب رؤية المتخصص

علاج الندبات الناتجة عن الحبوب والندبات انواع مختلفة كل نوع بيكون له خطة العلاج المناسبة ليه

العلاج ممكن يكون حاجة واحدة أو أكتر من حاجة .

خليك دايماً عارف .. فيه حاجات ممكن تظهرلك بسيطة .. لكن كونها مجرد مضايقننا يخليها مش بسيطة .. و دائماً العلاج بدرى أفضل و أبسط .
———————————————————————————
*مركز نضارة للجلدية والليزر و التجميل بالغردقة*
*د.أماني التوابتي*

اعرف اكتر عن خدماتنا من خلال زيارة موقعنا الإلكتروني
Www.nadaraclinic.com
او زيارة صفحتنا علي الفيس بوك
Www.facebook.com/nadaraclinic
📍العنوان :الغردقه- شارع النصر
الرئيسي- أمام شارع الكهف – اعلي نقابة المهندسين – الدور الرابع

☎️ للأستفســــــــار : ٠١٠٠٢١٩٩٢٠٩ /٠١١٢٨٤١٩٩٥٨
⌚مواعيد العمل : السبت الاثنين الاربعاء
من الساعة ٥ م حتي الساعة ١٠مساءاً.

🗓 تقدر تحجز ميعاد للكشف أو الجلسات أو المتابعات من خلال الرابط التالي
http://Www.fb.com/book/nadaraclinic

🌏 كمان تقدر توصل لينا من خلال اللوكيشن ده

https://maps.app.goo.gl/MVt5im9GstP6mYvr8
ربما تحتوي الصورة على: ‏‏شخص واحد‏، ‏‏لقطة قريبة‏‏‏